Þvottadagur, veður og veðbanki

Ekkert svakalega spennandi í gangi núna nema það var þvottadagur í dag. Ég fór i Laundrymat og þvoði tvær vélar, alltaf jafn gaman að fara með þvottinn og hitta pirruðu þvottakellinguna. Það er kínversk kona sem á staðinn ásamt manni sínum og hún virkilega þolir mig og Sonju ekki. Hún heilsar öllum með svaka kveðju nema okkur, er alltaf pirruð þegar við erum að þvo hjá henni.

Það er brjálað veður hérna í USA. En sem betur fer höfum við í NY sloppið við það alla vega í bili. En 42 hafa látið lífið í Bandaríkjunum vegna kulda og snjókomu undanfarna daga og yfir 500 þúsund heimili eru án rafmagns. Vinur okkur hann George W. Bush, lýsti yfir neyðarástandi í nokkrum fylkjum í gær. Verst er ástandið í Oklahoma en í gær létust 14 manns þar og í Missouri létust níu.

Eins og flestir vita þá eigum við von á litlum dreng í febrúar ( Sonja er sett á 14 feb.) og af því tilefni ætla ég að setja af stað smá veðbanka. Ég vil að þið giskið á hvaða dag drengurinn mun koma í heiminn. Það kostar 200 krónur að vera með, og sá aðili sem getur réttan dag hirðir pottinn, ásamt því að fá smá aukaverðlaun frá okkur NY búum. Einungis má giska á þrjá daga og kostar hver dagur 200 krónur. Setjið nafn ykkar í athugasemdir undir þessari frétt og þann dag sem þið veljið, og ég mun svo hafa samband og gefa ykkur reikningsnúmer sem leggja á þáttökugjaldið inná. Það mega allir taka þátt, því fleiri sem taka þátt því meiri verðlaun eru í boði.

Kveðja frá NY

Arnar Freyr

Athugasemdir

[Arnar Freyr Reynisson, 16.1.2007 kl. 20:13]

Ég ætla sjálfur að giska á 2 feb, 5 feb eða 8 feb.

[Sonja bumba (IP-tala skráð) 17.1.2007 kl. 00:32]

Þar sem ég er nú frekar hlutdræg  þá ætla ég að giska á 8 feb, 18 eða 22

[Karl Grönvold (IP-tala skráð) 17.1.2007 kl. 05:27]

Ég ætla að að giska á 3 feb, 4feb og 10 feb. Kveðja Karl Grönvold

[Brjánn Guðni Bjarnason, 17.1.2007 kl. 08:48]

Mér finnst svindl að þið fáið sjálf að vera með því það er deginum ljósara að þið hafið meiri og betri upplýsingar heldur en við hin!

En ég stenst samt ekki sjálfur mátið og ætla að giska á 13,14 eða 15 febrúar!

[Villi Gauti (IP-tala skráð) 17.1.2007 kl. 13:03]

Þetta er borðleggjandi, en ég ætla samt að hafa vaðið fyrir neðan mig og giska á 3 daga.  Þeir eru: 9.feb, 10.feb eða 11.feb.

kv,

Villi 

[Ingi Björn (IP-tala skráð) 17.1.2007 kl. 14:59]

Ég þekki góða menn sem eiga afmæli 14 feb, 16 feb og 18 feb.. þannig það eru mínar ágiskanir.. Reyndar á Michael Jordan afmæli 19 feb..

[Reynir Þór Reynisson (IP-tala skráð) 17.1.2007 kl. 16:22]

Ég er með þetta: 9. 19. eða 23. feb.

kv

RÞR

[Ingi Björn Sigurðsson, 19.1.2007 kl. 14:56]

Ég vil taka það fram að ég er algjörlega á móti svona veðmálum.. Ef ég vinn þá vil ég að upphæðin renni inn á reikning barnsins og í staðin skal ég sætta mig við að barnið verður skýrt eftir mér..

[Elsa Hrönn (IP-tala skráð) 19.1.2007 kl. 17:30]

Ég hef alltaf rétt fyrir mér og hann fæðist 18.febrúar, í ljósi þess og til heiðurs mér þá verður hann skírður Hrannar. Svonar er bara lífið  með frænkukveðju Elsa Hrönn

[Bjarni Freyr Guðmundsson (IP-tala skráð) 29.1.2007 kl. 21:00]

Við segjum 16, 19 eða 23 feb. Ég er alltaf með allar tölurnar réttar en það verður líklega erfitt í þessu nema það komi þríburar og enginn á sama deginu En okkur hlakkar til að vinna og sendu mér bara peninginn til Flórída þar sem við erum að fara þangað í febrúar og máttu hafa þetta í dollurum

Kveðja,  Bjarni og Arna