Hann er kominn í heiminn 09.02.07

Litli drengurinn okkar Sonju og bróðir hans Kristófers kom í heiminn í dag föstudaginn 9. febrúar. Hann vóg tæplega 15 merkur en hæðin var ekki komin á hreint þegar ég fór af spítalanum.

Það má með sanni segja að Sonja hafi staðið sig eins og hetja og gekk þetta allt eins og í sögu. Um 10.30 í morgun byrjuðu verkirnir, og um kl 15 voru þeir komnir á fullt en þá fór ég með Kristófer til Kristínar sem passaði hann á meðan þessu stóð. Ég og Sonja(El Hero) vorum svo komin upp á spítala um kl. 16, og drengurinn kom í heiminn 45 mínutum seinna. Hetjan hún Sonja gerði þetta allt án þess að fá einu einustu deyfingu, eins og í fæðingunni hjá Kristófer. Þegar við komum upp á spítala þá var Sonja komin með fulla útvíkkun og var því strax drifin inn á fæðingarstofu. Eitt get ég sagt að Sonja fær hæstu einkun rokkstiga sem gefin er fyrir þessa frammistöðu og er ég fullviss um að erfitt verður að slá þessu við.

Núna er ég heima með Kristófer á meðan Sonja og nýfæddur eru upp á spítala, en þau mega koma heim á sunnudaginn. Á morgun ætlum við feðgarnir að kíkja á mæðginin og Kristófer ætlar að færa litla bróður skemmtilegan pakka. Aftur á móti þá veit Kristófer ekki að litli bróðir er þegar búinn að versla pakka fyrir stóra bróðir, þannig að gaman að verður að sjá þegar þeir hittast á morgun. Annars læt ég þetta nægja í bili og læt myndirnar tala sínu máli.

     

 

Athugasemdir

[Villi Gauti (IP-tala skráð) 10.2.2007 kl. 08:19]

Hjartanlega til hamingju elsku vinir.   Þetta vissi ég, var aldrei í vafa, 9.feb.   Verst að Reynir var að stela dagsetningunni :)  Kærar kveðjur af klakanum og hlakka til að sjá fleiri myndir.  

kv,

Villli Gauti 

[Maggi (IP-tala skráð) 10.2.2007 kl. 09:00]

Innilega til hamingju kæra fjöldskylda,hafið það sem allra best

kv,

Familían Gautavík

[Linda syss (IP-tala skráð) 10.2.2007 kl. 14:23]

Hæ kæri bróðir.

Hef verið að reyna að hringja en ekki gengið.  Rosalegar hamingjuóskir frá okkur í Danmörku. Verst að geta ekki komið og knúsað honum J.G.A.

Kveðja,

Linda og Arnþór.

[Helga mágkona (IP-tala skráð) 10.2.2007 kl. 20:53]

Elsku, elsku dúllurnar mínar.

Hjartanlegar hamingjuóskir með þetta fallega kraftaverk.   Hann er yndislegur og auðvitað ekki við öðru að búast með svona flotta foreldra og yfirmáta sætan stóra bróður.  Þúsund þakkir fyrir að vera svona snöggur að setja inn myndirnar.  Það er algjörlega ómetanlegt að fá að sjá myndirnar þegar hugurinn er hjá ykkur en ekki hægt að fá að snerta eða sjá fallega prinsinn.

     Kossar og knús

         Helga, Palli, Elva og Daníel. 

[Ingi Björn Sigurðsson, 11.2.2007 kl. 17:50]

Innilega til hamingju með strákinn..

[Svanhvít (IP-tala skráð) 12.2.2007 kl. 08:39]

Innilega til hamingju með litla gullið.

Þúsund kossar og knús til ykkar allra

Kveðja,

Svanhvít

[Stella ömmusystir (IP-tala skráð) 15.2.2007 kl. 09:20]

Kæra fjölskylda, hjartanlega til hamingju með nýja fjölskyldumeðliminn.  Hann er fallegur eins og allir í fjölskyldunni.  Það er gaman að lesa bloggið ykkar og fylgjast með ykkur.  Hver veit nema við komum einhvern sunnudaginn í heimsókn síðar meir, áður en þið komið heim.  Hafið það ávalt sem best.

Stella ömmusystir